Купіць Біблію з дастаўкай па Беларусі

Кніга Святога Пісання ў падарунак

Пачынаючы з 1991 г. мы распаўсюджваем Слова Божае сярод тых людзей, хто не можа самастойна набыць кнігі Святога Пісання. Біблейскае таварыства ў Рэспубліцы Беларусь жадае бясплатна данесці Біблію дзецям-сіротам, выхаванцам прытулкаў і школ-інтэрнатаў, цяжкахворым, інвалідам, зняволеным, людзям сталага ўзросту, а таксама тым, хто патрапіў у цяжкія жыццёвыя акалічнасці. Для многіх з іх нашыя праекты з'яўляюцца адзінай крыніцай бясплатнага атрымання Бібліі ці Новага Запавету.

Вялікі асветнік нашага народа Францыск Скарына пісаў: «Таму што не толькі дактары навук і людзі навукоўцы Слова Божае разумеюць, але ўсякі чалавек просты і паспаліты, чытаючы яго і слухаючы, можа зразумець, што неабходна для выратавання душы яго». Мы молімся аб тым, каб чытаючы Біблію, кожны чалавек адгукнуўся на любоў Ісуса Хрыста і паверыў у Яго як у свайго Збавіцеля і Госпада.